وينك يا خلي إحتجت لك ما لقيتك

من طرف **عبودي الزهراني** 2010-02-20, 3:28 am

السلام عليكم .....

اعضاء تعب قلبي اتمنى ان تكونوا بأتم الصحه والعافيه..

اقدم بين ايديكم قصيدتي المتواضعه عسى ان ترتقي لذائقتكم العذبه..

هذا انت ياقلبي توسدت الآلآم=وهذا انت ياعمري غدى الهم بيتك
وش فايدة نركض ورى كذب الأحلام=راح العمر واحنا ياليتك ياليتك
ياوقت مايكفيك تجرح من اعوام=تجرح ولا يكفيك ماقد عطيتك
الحظ طايح من عرفته ولا قام=يا حظ لو هو في يديني رميتك
ياما شربت المر من كاس الأيام=يا حسرتي ياوقت يومي نخيتك
راح الحبيب اللي خذا قلبي هيام=وينك ياخلي احتجت لك ما لقيتك
ياحيف وعدك بالوفا ليه ما دام=وأنا الذي من كل قلبي هويتك
حبك رفعته من على قلبي وسام=وارخصت كل الناس يومي شريتك
وأثرك تماشيني على درب الأوهام=تلعب على قلبي وأنا اللي وفيتك
ماقصرت يمناك خلتني حطام=فعلك وأنا استاهل مدامي بغيتك
أهديت لك عمري وتهديه الأعدام=أدري بنارك والبلى اني رضيتك
ياما نهيتك وانت تلزمني الزام=ياقلب طاوعتك ولا قد عصيتك
قد لك ثلاث سنين مبلي ومنضام=في حبها وأنا من أول نهيتك
هذي جزاتك تسهر الليل ما تنام=أنت البلى ماهوب انا اللي بليتك
ياصاحبي تبغى الصراحه( من العام)=فعلاً أبي انساك بس ما نسيتك

((((لاتحرمونا ردودكم))))